Delhi Lamzawhnak ah Kuki Nungak No Mei in Khangh aa Tim| Video

| The Chin Journal | Hakha, Chin State

October 30, India ram Delhi khuapi ah tuahmi Kuki pawl lamzawhnak ah nungak no pakhat amah tein mei in i khangh aa timh caah palik pawl nih an zuan hnawh i an kham manh, tiah theih a si.

Kuki Students’ Organization Delhi & NCR hruainak in Delhi Delhi Parliament innpi pawng ah lamzawhnak linsa ngaiin an tuah.

India cozah le Naga hriamtlai National Socialist Council of Nagaland (NNPGs) karlak ah remdaih biaruahnak an tuah cuahmah lio ah atu bantuk in Kuki pawl nih Delhi ah lamzawhnak an tuah hi a si.

Kuki pawl nih lamzawhnak an tuahnak aruang bik cu NNPGs (Naga) nih India cozah sin ah a halmi Naga mahte uknak hmunram chung ah Kuki pawl i pupa ram aa tel chih ruang ah a si.

NNPGs (Naga) nih a hal ning in India cozah nih a pek nakhnga lo Kuki pawl nih fak ngaiin lamzawhnak an tuah i cu lamzawhnak ah cun Manupur khuasa Kuki miphun, kum 20 hrawnghrang a simi nungak Lamneimoi Chongloi timi nute nih a takpum dihlak ah patrol aa toih i mei in khangh aa tim.

Hi nute hi India ramchung Airline pakhat ah (Attendant) rian a ttuanmi a si i, 2014 Kuki dawh zuamnak “Miss Kut” timi ah Queen a rak cotu zong a si.

Patrol in aa toih i mei in aa khangh manh hlan ah India nu palik pawl nih an zuan hnawh i, an tlaih manh caah nunhim in a um, tiah theih a si.

-East Mojo

Latest News