Daw Suh President Si Khawhnak a Dawntu Pohma an Hrawk Kho Lo

| The Chin Journal | Hakha, Chin State

Daw Aung San Su Kyi rampi President a si khawhnak a dawntu 2008 Phunghrampi Pohma 59 (f) hrawh ding in an chuahpimi a tlamtlinglo tiah theih a si.

Nihin Pyidaungsu Hluttaw ah Phunghrampi pohma 15 hrawh/remh ding an chuahpi i pakhat hmanh hrawh le remh an si lo.

Daw Suh President sinak a dawntu Pohma 59 (f) hrawh a duhmi lei nih vote 393 an hmu i, Hluttaw palai zapi i zatuak in 75% cung a tlin lo caah hrawh khawh lo a si.

Nizan ah cun pohma 14 hrawh le remh ding in chuahpi a si i pahnih an remh khawh nain abiapi bikbik pawl an remh kho ve lo.

Latest News

News in Burmese