David Lai nih Sami ah Mi a Pumh i Hla a Sa Tiin Report a Tong

| The Chin Journal | Hakha, Chin State

Sami khua ah ralzam bawmh ding in a phanmi David Lai cu mi a pumh hna i hla a sakpiak hna tiah sami ngandamnak lei in uknak lei ah report an tuah nain tlamtlinnak a um tthan, tiah thawng kan theih.

Nizan zanlei ah khan Sami certual ah ralzam pawl bawmhnak pek pah in David Lai in motor cung in hla a sakpiak hna i khuami pawl an rak chuak len.

Cucaah, ngandamnak zung in sibawi pakhat nih uknak lei ah thawng a thanh i report a tuah.

Hi kong he pehtlai hin David Lai te he khual a tlawngmi Amyotha Hluttaw palai Salai Myo Hteik le Rev. Uk Ling Thang cu The Chin Journal nih kan pehtlaih i thil sining an chim.

“Mi a pumh hna ti cu adiklomi a si. Amah nih mi a pumhmi hna a si lo. Ralzam bawmhnak pek pah ah hla a sakpiak sawh hna men i, minung pawl anmah tein an rak chuahmi a si,” tiah MP Myo Hteik nih a chim.

“Hi kong ah hla tlawmpal a sa lai tiah nawlngeitu zong thawng ka thanh ko hna. Ralkap lebang nih cun Drone vanlawng hmang in David Lai hlasaknak ah runvennak an lak. Minung a pumh hna a si lo,” tiah Rev. Uk Ling Thang nih a chim ve.

David Lai Sami ralzam camp a kalnak kong ah ttuanvo a la dihtu Chin Christian Alliance i Secretary Rev. Dr. Charity Htoo nih, “Sibawi pakhat nih uknak lei ah a reportmi a si. Uknak lei zung he kan i chawn i a tlamtling dih ko. David Lai zong kan i chawn i a tlamtling viar cang a ti. Atu hi Sami in an rak tlung i tuzan Matupi an phan lai,” tiah a chim.

Latest News

News in Burmese