David Lai nih Paletwa Ralzam Pawl Ting (50) Leng a Bawmh Hna Lai

| The Chin Journal | Hakha, Chin State

Awttha David Lai nih Sami khua ah aa dormi Paletwa ralzam hna ca ah ting (50) leng bawmhnak a pek hna lai, tiah theih a si.

Paletwa ralzam hna ca ah Yangon khuachung lamkam tibantuk ah David Lai nih hlasaknak in bawmhalnak a tuah i, March 28 tiang ah khan ting 50 leng a hmu.

March 20 zaan ah khan Yangon khuachung lamkam ah David Lai nih Paletwa ralzam hna caah bawmhalnak a tuah i, minung tampi nih bawmhnak an pek ve.

David Lai lawng si loin Chin model Mageret, Myanmar Idol ah teinak a hmumi Esther, Benjamin le Yaw Kee, cun Myanmar ram minthang Sung Tin Par tibantuk zong nih Paletwa ralzaam hna ca ah bawmhalnak an tuah.

March 14 le 15 i Kawl ralkap vanlawng kahnak ruang ah Chinmi minung 21 an nunnak a liam i, minung 28 hliamhma an pu hna.

Cu hnu cun Paletwa peng khuate 15 hrawng in minung 2,900 leng cu Sami khua ah an rak zaam hna.

Sami khua ah aa dormi ralzam 61 cu Tikir khua ah i tthial ding in April 1 ah khan an i thawh i April 2 ah Thantlang ah an phan cang, tiah theih a si.

Latest News

News in Burmese