Cozah Ralkap nih Jet Vanlawng Pahnih in Nihin Zaanlei ah AA Pawl an Kah Than Hna

| The Chin Journal | Hakha, Chin State

Rakhine ram, Yatehtaung pengkulh Kha-ru-chaung kiangkap ah cozah ralkap nih Jet vanlawng 2 in AA hriamtlai pawl nihin zaanlei suimilam 3:00 hrawng ah an kah than hna.

“Helicopter a si lo, a thla zong aa tel. A thla ah bomb aa bunh, meithal zong in an kah hna. Minutes 15 in 20 kar hrawng an kah hna, bomb zong in an kah hna. Kha-ru-chaung le Pe-tha-du karlak leikuang pawng tlangthluan an kah” tiah khuami pakhat nih a chim.

Jet vanlawng 2 cu Kha-ru-chaung khua cung van in a zuang i AA pawl an kah hna hi a si.

“Kha-ru-chaung khuami pawl an i hreng, minung 60 in 70 hrawng an si. Atu hi an thin a phang ngaingai” tiah a chim.

Kha-ru-chung le Pe-tha-du khua karlak ah nihin zinglei sml. 11:00 in 2:00pm tiang hrawng AA le cozah ralkap kar kahdohnak a fak. Suimilam 3:00 pm hranwg ah cozah ralkap nih Jet vanlawng in an rak kah hna hi a si.

“A thawng thang taktak in kan theih, bomb an puahmi a si rua. Meikhu pawl aa zel, a thawng lawng kan tieh. Meithal thawng tu cu pehzulh in kan theih” tiah a chim chap.

Jet vanlawng 2 cu suimilam 3:30 pm hrawng ah a kir than. An kap than hna lai maw, kap lai lo timi Kha-ru-chaung khumi hna nih thingphang in an hngah tiah Khua-ru-chung khuam sin in theih a si.

-Narinjara

Latest News