COVID-19 Zulphung Buar Ruang ah Minung Pakhat an Kah

| The Chin Journal | Hakha, Chin State

COVID-19 zawtnak zulhphung a zul duh lotu kum 63 pa cu April 5 ah Philippines ram ah meithal in an hun kah taktak, tiah theih a si.

Hi thil a cannak hmun hi Agusan del Norte ramkulh chung i Nasipit timi khua ah a si.

Kum 63 pa hi kaahuh/Mask aa huh lo pin ah zu a ri ngai. Palik checkpoint a phak ah kaahuh i huh ding in palik nih an chimh.

“Kaahuh i huh ding in an chimh ko. Asinain, zu a ri i a thinhung. Biachiakha in palik pawl a volhpamh hna pin ah hramh aahnak in tuk a timh hna. Cucaah, meithal in an kah hi a si,” tiah Agusan del Norte palik zung nih thawngpang an chuah.

Philippines President Rodrigo Duterte nih, “COVID-19 zulhphung a zul lomi paoh meithal in kap hna u,” tiah nawl a pek hna hnu ah atu bantuk in meithal kahnak a chuah hi a si.

Roman Catholic Khrihfa ram a simi Philippines ah COVID-19 zawtnak a ngeimi minung 3,200 an hmuh cang hna i cu chung ah cun minung 152 tiang an nunnak a liam ve cang.

Ref: Aljazeera

Latest News

News in Burmese