COVID-19 Zulhphung Ngai Lo Tlaihnak: Khuathar ah Minung 5 an Tlaih Hna

| The Chin Journal | Hakha, Chin State

Nihin April 28 zong ah Hakha khua ah COVID-19 runvennak he pehtlai in lam aa chokmi pawl zohfelnak le ngiatnak pehzul in tuah a si i, zinglei sml. 10:30 tiang ah Khuathar ah minung 5 an tlaih hna, tiah theih a si.

Tlaihmi minung 5 cu motor in an kalpi colh hna i, kokek ral runvennak upadi in tazacuai an si hnu ah dantatnak an i tlak ning in pek an si lai.

Hakha ah April 23 le 24 kha COVID-19 kong he pehtlai in mipi si cawnpiaknak acozah lei nih tuah a si i, thawng an rak thanh bantuk tein April 17 thawk in dantatnak an hun tuah thluahmah hi a si.

Nizan April 27 chung lawnglawng ah khan minung 30 leng an tlaih hna i cu chung ah cun minung 22 hi tang 5,000 cio liamter in dan an tat hna, tiah Hakha peng uknak lei zung in thawng kan theih.

Latest News

News in Burmese