COVID-19 Zawtnak Le Myanmar Rampi Thimnak: November ah Thimnak Tuah Kho Lai Maw?

| The Chin Journal | Hakha, Chin State

Myanmar ram ah COVID-19 mizaw duhsah in an hun karh thluahmah bantuk in 2020 Myanmar rampi thimnak (General Election) zong caan nih an hun detkhawt uahmah ve cang.

NLD cozah Term zong dih lei ah a panh cuahmah ve cang i, Phunghrampi ning in cun November 2020 ah thimnak tuah ding a si.

Sihmanhsehlaw, atu tiang ah thimnak tuah nakding nicaan kong he pehtlai in Union Election Commission (UEC) nih fiang in thawngthanhnak a tuah kho rih lo.

COVID-19 zawtnak ruang ah thimnak nicaan zong fing in an khiah khawh rih lo hi  a si.

June 2 ah khan Myanmar ramchung meekuang hmunhma chiahnak kong he pehtlai in UEC meeting an tthu.

June 2 meeting ah UEC Chairman U Hlah Thein nih, “COVID-19 zawtnak zeitluk in kan khenkham khawh timi sining zoh in thimnak nicaan kan khiah lai i, thawngthanhnak kan tuah telai,” tiah a chim.

2010 thimnak lio ah khan thla 3 hrawng a duh ah thimnak nicaan an rak thanh i, 2015 thimnak zong ah khan thla 4 aa duh ah nicaan thanh cia a si. Atu November thimnak ca ah timhtuahnak thla 5 hrawng caan a taang.

COVID-19 ruang ah ramdang in Myanmar ram ah a rak tlung tthanmi zong an tam ngai i, cu hna cu vote an thlak khawh nakhnga tawlrelpiak an hau.

Cun, ralkap chungkhar pawl vote thlaknak kong ah felfai deuh in a kal khawh nakhnga an tawlrel cuahmah.

Ramchung vote thla khotu cazin tlamtling in fehter a si tik ah meekuang zat le hmunhma pawl khiah an si telai.

COVID-19 zawtnak a um ruang ah November 2020 Myanmar rampi thimnak zong hi an thawn te khawh men tiah ruahnak a um len.

Sihmanhsehlaw, UEC nih cun “Atu kumdonghlei ah thimnak tuah khawh ding in kan i zuam i, COVID-19 zawtnak sining zoh in a nicaan kan thanh telai,” tiah an langhter.

Latest News

News in Burmese