COVID-19 Zawtnak Doh Ding in Chin Ramkulh in Sibawi Pathum Yangon ah an Thlah Ve Hna

| The Chin Journal | Hakha, Chin State

Atulio Myanmar ran COVID a zual biknak Yangon ramtthen ah COVID-19 zawtnak dohnak lei ah bawmhchanh ding in Chin ramkulh in sibawi pathum le ngandamnak lei rianttuantu upa pakhat an thlah hna, tiah thawng kan theih.

Chin ramkulh ngandamnak zung ah Assistant Director a simi Dr. Yamin Kyaw Thu, Chin ramkulh ngandamnak zung sibawite haotu a simi Dr. Thang Mung Khai le Falam peng Zawngte RHC ah Assistant Health Officer a simi U Moe Aung cu October 1 ah Hakha in Yangon ah an i thawh.

September 25 ah khan Dr. Thiha Maung Maung Tin zong Yangon ah bawmh ding in aa thawh cang.

Chin ramkulh lawng in si loin Myanmar ramchung hmun tampi in ngandamnak lei rianttuantu pawl cu Yangon ah COVID-19 zawtnak doh ding in an thlah ve hna.

Latest News

News in Burmese