COVID-19 Volunteer hna ca ah Thantlang Mipi nih Mehmoi an Pek Hna

| The Chin Journal | Hakha, Chin State

Thantlang khuachung COVID-19 zawtnak checknak kong le zawtnak a ngeimi hna pumpak in a tawlreltu hna ca ah Thantlang khuami cheukhat nih mehmoi an damhkhaanpiak hna.

Volunteer rian a ttuanmi hna ca ah tisik-anhnah cawk awk a um lo, tiah nihin zinglei ah thawngthanhnak an tuah i khuami cheukhat nih an rak hlut colh hna hi a si.

“COVID Volunteer hna ca ah tisik-anhnah cawk ding a um lo caah a kan pechan khotu nan um hnga maw tiah tu zing ah thawngthanh a si. Tuni cu Zarhpi Ni a si nain khuaruahar in pechantu nan um caah kan i lawm tuk,” tiah volunteer lei bu nih lawmhnak an langhter.

Tuni ah tisik-anhnah in pechantu hna cu:

  • Pi Ni Bau techung
  • Ceu Thawng techung
  • Pu Lian Cung techung
  • Pu Lian Thang techung
  • Pu Cung Nawl Ling techung
  • Rev. Biak Kam techung
  • Pu Mang Lian Hup techung an si hna.

“Tuni ah a pechan nain cazin ah kan telh manh lo mi zong nan um. Thaizing ah telh chih khawh kan i zuam lai,” tiah an langhter chih.

Asinain, nitin in mipi lei in volunteer hna ca ah an pek ahcun volunteer lei in a tawlrel an i harh lai caah volunteer a ttuantu hna nih zeidah an herh timi hal hmasa hnu ah thawng rak kan thanh te u, tiah theihternak an tuah.

Advertisement

Thawngpang Thar