COVID-19 Tih Ruang ah Chinram a Zaamtakmi Kawlmi 4 Quarantine an Chiah Hna Lai

| The Chin Journal | Hakha, Chin State

COVID-19 ttih ruang ah Chinram a zaamtakmi Kawlmi minung (4) cu Quarantine chiah an timh hna, tiah theih a si.

Chin ramkulh, Matupi le Mindat karlak ah lamrianttuan in aa hlawhfami nuva khuah hnih (minung 4) cu Chin ramkulh ah COVID-19 zawtnak a um tiin an kee bak in Irrawaddy ramtthen, Latpatar khua ah an tlung.

“Rian cu pehzul in a um ko. Lam kan phah liopi a si. Zawtnak kan ttih ruang ah kan rak tlun hi a si. Lampi ah voi 4 in voi 5 tiang an kan check,” tiah kee in a tlungmi minung pali chung ah pakhat nih a chim.

Hi Kawlmi pali hi Matupi peng ah aluancia kum 2 khan lam rian an rak ttuan cang i cu caan thawk cun khua ah voi khat hmanh an tlung ballo. Atutan hi a voi khatnak an tlun a si.

Khua an phak lecangka in uktu lei nih an auh hna i zawtnak checknak tibantuk an tuah hna. Cun, Home Quarantine in an chiah hna lai.

Latpatar khua ah COVID-19 mizaw an um lo nain zawtnak a tlunnak Yangon le Chin ramkulh tibantuk in a rak tlungmi pawl cu ni 21 chung Quarantine ah chiah dih an si.

Cherhchan: Sandaw Ching

Latest News

News in Burmese