COVID-19 Ruang ah Laitlang NLD Cawlcanghnak Cheukhat an Ngol

| The Chin Journal | Hakha, Chin State

COVID-19 caan chung a si caah Laitlang NLD nih cawlcanghnak tuah ding an timhmi tete an ngol chung, tiah thawng kan theih.

COVID-19 lio a si i, zei bantuk cawlcanghnak hmanh tuah rih lo ding in cunglei nawlpeknak a um caah kan ngol chung, tiah Laitlang NLD chimnak nawlngei Pu Jacob Thang niha chim.

“September 19 ah khan Hakha khuachung mino nih hmunthur charnak kan ngei. Cun, Oct. 1 ah Mask phawtnak kan tuah. Sticker benhnak le NLD thantar thlainak tuah kan i tim ko nain cunglei nih rak tuah rih hlah u an ti caah kan tuah rih lo,” tiah a chim.

Myanmar ram ruahnak petu Daw Aung San Suh Kyi zong nih COVID-19 caan chung a si caah NLD a dirhkhamhtu mipi nih thazaang langhternak tuah rih lo ding in nawlnak ca a chuah i, “COVID-19 kan tei lai, Thimnak zong ah teinak kan hmu lai i, sunglawi taktak in lawmhnak kan tuah te lai,” tiah forhfialnak a ttial.

2015 thimnak lio ah NLD nih a rak i tlaihmi authawng cu “Thlen Caan a Cu Cang” ti a si i, atu 2020 thimnak ah cun “Teinak Thantar a Feh Nakhnga Vote Pe U Sih!” ti hi a si.

Latest News

News in Burmese