COVID-19 Ruang ah CACC nih Music Festival Tuah a Timhmi a Let

| The Chin Journal | Hakha, Chin State

Atulio vawleicung ram kip ah a cangmi Coronavirus ruang ah Thantlang khua ah tuah timhmi CACC Music Festival cu nicaan rikhiah um loin an let tthan, tiah theih a si.

Music Festival lawng si loin Kalaymyo, Lai Baptist Church tuah timhmi CACC BM meeting zong a nicaan le a hmun an tthial tthan.

Music Festival cu tu kum chung ah tuah tthan khawh dawh a si ti lo i, BM meeting tu cu March 24 ah Hakha i CACC zung ah tuah ding in an timhtuah.

Myanmar ramchung ah COVID-19 a phan rih lo nain ramchung ramtthen le ramkulh cozah pawl nih mibu tthutdir ttinak puai pawl tuah lo ding in an hun kham thluahmah cang.

Chin ramkulh cozah zong nih Thingyan tuah a let i, biaknak puai pawl zong tuah rih lo ding in khamnak a tuah ve cang.

Latest News

News in Burmese