COVID-19 Quarantine Caan Ni 14 Lawng Si Loin Ni 21 ah Sauh Timh

| The Chin Journal | Hakha, Chin State

COVID-19 zawtnak an ngeih ve sual ah tiin ni 14 chung an zohkhenh tawnmi hna cu a nicaan sauh deuh ding in timhtuahnak kan ngei, tiah Daw Aung San Suh Kyi nih a chim.

Suh Kyi nih, “Ni 14 hnu ah zawtnak a langmi zong an um tawn tik ah felfai deuh zohfel an si nakhnga Quarantine caan hi ni 21 ah kan sauh lai. Inn ah a ummi Quarantine pawl zong daithlang in um hrim hlah u. Ngandamnak zung nih a chuahmi fimchimhnak pawl kha ttha tein theihfian i zuam u,” tiah a chim.

“Thailand ram lei in a rak lutmi kan rammi pawl zarh hnih chung pehzul in an rak lut. Atu ah milu 1.5 million leng an si cang. Zawtnak an ngeih le ngeih lo hmaizarh hrawng cu aa thei ve te lai. Minung zeizah ko nih dah zawtnak an ngeih lai timi theihfian a har rih. Kannih cozah lei tu nih cun rammi ahopaoh a ttha bik in zohkhenh awk ah biatiamnak kan  ngei,” tiah a chim.

US in a rak tlungmi Tedim pa i a nu kha ni 14 chung Quarantine an chiah nain cu caan chung ah cun a zawtnak a lang lo.

Ralrin ah a pumcung tihaang (Sample) an check hnu ah lenglang zawtnak langh lo buin COVID-19 zawtnak a rak ngeihmi an hmuh hi a si.

Cucahcun COVID-19 zawtnak hi Quarantine caan 14 chung ah langh loin a um kho timi fiang in hmuh a si i, atu ah Quarantine caan ni 21 ah an hun sauh hi a si.

Ref: Aung San Suh Kyi’s Facebook

Latest News

News in Burmese