COVID-19 Mizaw Pahnih an Sining a Tha Ko, Thawngpang Vaivuan Zumh Lo Ding

| The Chin Journal | Hakha, Chin State

Myanmar ram ah a voi khatnak bik Coronavirus a ngeimi minung pahnih cu nihin March 24 zinglei tiang ah an sining a ttha ko, tiah Myanmar ram ngandamnak zung nih an langhter.

Nihin zinglei ah khan “Chin ramkulh Tedim sizung ah a ummi Covid-19 mizaw a nunnak a liam” tiah Facebook ah thawngpang diklo a leng.

Ngandamnak vuanci zung in Dr. Khin Khin Kyi nih, “Nizan ah Covid-19 zawtnak a ngeimi mizaw pahnih damtluang in an um ko. Online ah thawngpang diklo an thlahmi pawl zum hlah u,” tiah Irrawaddy thawngzamhnak ah a chim.

Myanmar ram ngandamnak zung nih March 23 zaan sml. 11:30 hrawng Covid-19 zawtnak an hmuhmi thawngpang an thanh lecangka in Yangon khuachung i Shopping Mall pawl cu zanttim suimilam 1:00 a si cang nain eidin tirawl a cawtu an khat dih colh.

Covid-19 zawtnak cu ralring tein um ahcun i runven a fawimi a si caah ngandamnak zunglei nih an chuahmi fimchimhnak pawl ttha tein zulhpiak awk a si.

Latest News

News in Burmese