COVID-19 in Vawleicung Minung Ting (3) Dengmang an Nunnak a Liam Cang

| The Chin Journal | Hakha, Chin State

May 11 tiang ah COVID-19 pulrai in vawleicung minung 284,882 an nunnak a liam cang, tiah theih a si.

COVID-19 in a nunnak a liammi an hun karh uahmah tik ah UN nih “Vawleicung Ralpi Pahnihnak hnu in vawleicung minung nih ttihnung bik ral kan tonmi a si ko cang,” tiah a langhter.

US ah nizan ah khan minung 750 an thi i, nihin atu tiang ah minung 123 an thi tthan.

US ramchung lawnglawng ah COVID-19 in a nunnak a liammi minung 80,910 an si cang i Vietnam ral lio i a thimi US milu (58,220) a lonh cang.

UK zong ah minung 32,000 leng an thi cang i atulio vawleicung COVID-19 zawtnak in a thimi an tam biknak pahnihnak ram a si.

UK dih in Italy, Spain, France le Brazil hi COVID-19 in a thimi an tam biknak ram an si hna.

Vawleicung huap piin minung ting 42 hi COVID-19 zawtnak a ngeimi an si i, cu chung ah cun minung ting 15 leng damnak an hmu tthan ve.

Myanmar ram zong ah COVID-19 mizaw a karh lei kan panh i nihin tiang ah COVID-19 zawtnak an ngei tiah fehtermi minung 180 an si cang.

Cu chung ahcun minung 74 nih damnak an hmu tthan i, minung 6 hi an nunnak a liam ve.

Latest News

News in Burmese