COVID-19 He Pehtlai in Hakha Vote Thlatu Hna nih Zulh Ding

| The Chin Journal | Hakha, Chin State

Tutan Zarhpi Ni ah Myanmar ram huap in thimnak vote thlak a si cang lai bang in COVID-19 zawtnak zong runven a hauh chap caah vote a petu hna nih a tanglei bantuk hin mehmun kal tik ah zulh a hau.

Mehmun pawl ah COVID-19 runvennak ttha tein tuah dih a si i, a bubu in tthutdir len loin pe 6 hlat in i tlar i, mahle vote thlak caan kha ningcang tein hngah a si lai.

Vote thlaknak innchung luh lai ah kutka hram ah Hand Gel in kut i ttawl i, taklinh tah ta ding a si.

Taklinh an tahmi 38 Degree cung a si ahcun cu nu/cu pa cu minute 15 chung a dangte in umter a si lai. Minute 15 hnu ah taklinh an tah tthan lai i, a tak a daih a si ahcun vote thlakter a si lai.

A tak a daih hlei lo ahcun vote pekter rih loin minute 15 hnu ah a taklinh zohfel tthan ding. Voi 2 an tah hnu ah a tak a daih deuh hlei lo ahcun Stage-3 tiah ti a si cang.

Asinain, vote thlak hrimhrim a duh ko a si ahcun minung pakhatkhat kha bawmh a hal hna lai i, amah mithmuh hmaite ah vote catlap ah a duhmi minung vote a pekter lai. Cu dih cun PPE thilthuam he sizung ah kalpi a si lai.

Vote thlaknak hmun ah a rak rami hna nih Mask kong ah lungretheih ding a si lo. Vote thlaknak hmun ah Mask (N-95) pakhat cio cu phawt ding in timhtuah a si.

Latest News

News in Burmese