COVID-19 Case 151 Hi Laimi Tampi Umnak Khawaichian Um a Si i, Biakinn ah aa Pum Tawnmi a Si

| The Chin Journal | Hakha, Chin State

Yangon ah COVID-19 mizaw an hmuh tharmi Case – 151 hi Laimi tampi kan umnak le Pathian biak kan panh tawnnak Lai Baptist Church pawng hrawng ah a ummi a si i, cuka hrawng i Khrihfa biakinn pakhatkhat ah aa pum tawnmi a si.

Kum 25 nungak a si i, Private Sianginn pakhat ah sayama a ttuan i, khual a tlawng balmi le COVID-19 mizaw he aa tong balmi zong a si lo.

Khawaichan hrawng Khrihfabu ah aa pum tawnmi le Khawaichan Lam No. 2 ah khuasa a si ti tiang cu theih a si i, zei miphun le zei Khrihfabu a si ngaingai fiang in theih a si lo.

Hi sayama nute hi atu cu South Okalapa sizung ah zawtnak thlop ding in an kalpi cang.

Myanmar ramchung ah COVID-19 a ngeimi minung 151 an hmuh cang hna i, cu chung ah cun minung 28 nih damnak an hmuh. Cun, a dang minung 6 hi an nunnak a liam.

Latest News

News in Burmese