COVID-19 Bawmhnak Thilri a Phormi American Missionary Vanlawng Tlak in Nunnak Liam

| The Chin Journal | Hakha, Chin State

Indonesia ram ah COVID-19 bawmhnak thilri phorh in a kalmi American Missionary Joyce Lin (kum 40) cu lampi ah a vanlawng a tlak ca ah a nunnak a liam, tiah theih a si.

Joyce Lin hi US ram, Idaho ah hram a bunhmi Mission Aviation Fellowship ah vanlawng mongtu rian le IT Specialist rian a ttuanmi a si.

Indonesia ram ah COVID-19 zawtnak zohfelnak thilri pawl vanlawng in a phor i, Mamit timi  khua ah COVID-19 Rapid Test Kits pawl vung kuat ding in amah lawng a kalnak lampi ah a vanlawng a tlak hi a si.

Vanlawng hi amah tein aa mongh i May 12 zinglei ah khan a mongh cuahmahmi vanlawng ah rawhralnak pakhat khat a um tiah Mission Aviation Fellowship ah thawng a thanh ta manh hna.

Joyce Lin vanlawng cu Indonesia ram, Lake Sentani timi tibual ah a tla i cuka hmun ah cun a nunnak a liam. A ruak zong an char khawh cang.

Joyce Lin hi US ram Marlyland ah a nulepa le a naunule pahnih he khua a sami a si.

Massachusetts Institute of Technology in degree a lak hnu ah Pathian a thei tukmi a si caah Mission Aviation Fellowship ah Pathian rian ttuan ding in a nun aa pemi a si.

“Vanlawng mongh le computer lei a thiam ngaimi a si nain cu nak cun  Jesuh Khrih thawnttha zumlotu hna sin ah chimphuan hi Joyce Lin nih a nuamhpi bikmi a si,” tiah Mission Aviation Fellowship nih Joyce Lin konglam an ttialmi ah an telh chih.

Cherhchan: CNN, The Christian Post

Latest News

News in Burmese