Coronavirus Zawtnak in Kum 9 Tang Ngakchia Ahohmanh an Thi Lo

| The Chin Journal | Hakha, Chin State

Atulio vawleicung ram zakhat leng ah Coronavirus in minung 3,883 an nunnak a liam cang nain hi a nunnak a liammi chung ah hin kum 9 tang ngakchia pakhat hmanh an i tel lo caah sii lei thiamsang hna zong an khuaruah a har ve.

Coronavirus in a zawmi minung 1,000 lak ah minung 2 hi buaktlak in an nunnak a liam i kum 10 in kum 39 a simi mizaw hna lak ah 0.2% lawng hi zawtnak in an thi.

Asinain, kum 60 in kum 69 karlak a simi kum upa mizaw pawl belte cu Coronavirus ruang ah an thimi an tam deuh (3.6%).

Sihmansehlaw, atu tiang ah bawhte in kum 9 karlak a simi Coronavirus zawtnak aa chawnmi pakhat hmanh a nunnak a liammi an um lo tik ah sibawite zong an khuaruah a har. Aruang belte an thei kho rih lo.

Kum 9 tang ngakchia pawl hi Coronavirus an i chonh hmanh ah cu zawtnak cu fak tuk in an tuar lo pin ah an zawtnak muisam zong langhngan in a lang lo.

“Zei ruang ah dah kum 9 tang ngakchia lak ah Coronavirus in a nunnak a liammi an um lo?” timi biahalnak belte atu tiang sii lei thiamnak nih a hmu kho rih lo.

Ref: 7 Day News Journal

Latest News

News in Burmese