Coronavirus Ruang ah Yangon Thingyan an Cencel Khawh Men

| The Chin Journal | Hakha, Chin State

Myanmar ram ah Coronavirus mizaw tiah lunghrinh in zohkhenhmi hna chung in minung 3 an nunnak a liam hnu in Yangon khua ah tuah dingmi Kawl titoih puai “Thingyan” tuah le tuah lo kong ah Yangon ramthen cozah nih a tuaktaan cuahmah lio a si.

April 13-16 tiang tuah dingmi Thingyan cu Shan ramkulh ah cun Coronavirus ruang ah an let tthan cang i Yangon ramtthen cozah zong nih cu kong he pehtlai cun voi khat meeting a tuah cang.

“A voi khatnak meeting kan rak tuah ah Thingyan cu sunglawi ngaiin tuah ding in kan rak ti ko. Asinain, atu cu Coronavirus zawtnak hi kan i ralrin a herh cang caah Thingyan puai kan timhtuahmi hi let tthan dawh a si,” tiah Yangon Deputy Mayor Soe Lwin nih a chim.

Nizan nai ah khan Coronarirus mizaw an si kho tiah an zohkhenhmi hna chung in Shan ramkulh in mizaw pakhat, Rakhine in mizaw pakhat le Mandalay in mizaw pakhat cu an nunnak a rak liam.

Sihmanhsehlaw, Myanmar ngandamnak zung ttuanvo ngeitu hna nih Coronavirus in an nunnak a liammi a si lo, tiah thawng an thanh.

Ref: Eleven

Latest News

News in Burmese