Coronavirus Raung ah Mizoram nih Laitlang Lei Ramri Kutka a Khar

| The Chin Journal | Hakha, Chin State

March 9 thawk in Mizoram cozah nih Myanmar ram he khualtlawn lamlitnak lei in i pehtlaihnak ramri kutka a khar cang, tiah theih a si.

Nihin ah Mizoram cozah nih biapi meeting a auh i, Laitlang in Mizoram lei lutnak Rihkhawdar-Zokhawthar ramri kutka le Bangladesh lei in Mizoram luhnak ramri kutka cu caankarlak khar chung ding in biachahnak a ngeih.

Asinain, Mizoram he innpa ramkulh a simi Assam, Tripura le Manipur lei zong in Mizoram ah luh duh ahcun ramri kutka ah checknak ttha tein tuah awkah nawl chauh a si.

February thla thawknak Rihkhawdar-Zokhawthar ramri ah cun zawtnak checknak rak tuah a si i, atu March a hun phak ah ramri kutka khar chung ding in biachahnak an tuah hi a si.

Atulio Mizoram chung ah minung 80 cu Coronavirus zawtnak an ngeih le ngeih lo zohfel ding in ngandamnak lei zung nih naihniam tein an zohkhenh hna. Asinain, Mozoram ah Coronavirus zawtnak a ngeimi ngaingai hmuh a si rih lo.

Ref: East Mojo

Latest News

News in Burmese