Coronavirus in Nikhat Chung Lawng ah Minung 228 an Nunnak a Liam

| The Chin Journal | Hakha, Chin State

Vawleicung ah Coronavirus in a nunnak a liammi ni khat hnu ni khat in an hun karh chin thluahmah cang.

March 4 ah khan vawleicung ah Coronavirus in minung 83 an nunnak a liam i March 5 a hun phak tik ah ni khat ah minung 100 rate in an nunnak liam.

Sihmansehlaw, nizan March 8 belte ah cun minung 228 bak an nunnak a liam i let hnih leng in Coronavirus in a thimi an karh.

Atu tiang vawleicung ah Coronavirus zawtnak a ngeimi minung 111,582 an si i, minung 3884 an nunnak a liam cang. Zawtnak in a dam tthanmi minung 62,000 leng an um ve.

Tuluk ram ah minung 3,120 leng an thi. South Korea ah minung 53, Italy ah 366, Iran ah 237 tiin atu tiang ah an thi. Hi ram 4 hi atulio vawleicung ah Coronavirus a zual biknak ram an si.

A cunglei ram 4 leng ah atu tiang ah vawleicung ram 109 ah zawtnak a phan cang. Myanmar ram ah cun zawtnak a phan rih lo, tiah Myanmar Ngandamnak Zungpi nih thawng a thanh.

Ref: World Meter

Latest News

News in Burmese