Company nih Falam Chiatthat Bu Sin ah an Hlutmi Tangka Falam Chiatthat Bu nih an Khirh Than Hna

| The Chin Journal | Hakha, Chin State

Laiva tidil in Falam khua ti peknak caah rian a tuanmi Authentic Company nih Falam Chiatthat Bu sin ah an hlutmi tangka Ks. 500,000 Chiatthat Bu nih an khirh than hna.

Authentic Company tuanvo ngeitu pahnih nih Falam Chiatthat Bu Chairman Pu Thang Kio sin ah aluancia March 2, zaan suimilam 8:00 ah tangka Ks. Sing 5 cu an va pek.

Pu Thang Kio nih “Ka inn ah rak rat in tangka cu an ka pek. Chiatthat Bu cawlcanghnak caah an hlutmi a si. Asinain, kan committee upa hna he ceihhmainak kan ngeih hnu March 4 ah tangka cu kan khirh than hna. Hlut nan kan duh a si ahcun rian nan lim hnu ah tu ah rak kan hlu u kan ti hna. Cu si lo ahcun, mipi nih phundang in an kan hmuh lai” tiah a chim.

Authentic Company nih hin Falam khua dinti peknak caah Pyithaungsuu budget Ks. Sing 50,000 dih in rian a tuanmi an si. Asinain, Pipe a hmet/ngan lehmah 8 hman ding timi kong ah khuami hna he an buaibai. Naypyidaw tiang report an tuah hna caah riantuan an ngolnak kum 1 fai a si cang.

Cozah le mipi tonnak an ngeih hnu ah lehmah 4 Pipe an chap piak hna i Febraury, 2019 in riantuan hram an thok than cang. May thla dih ah rian lim ding in timhlamhnak an ngei.

-Zalen

Latest News