CNLD Hruaitu Thangchiat Cu Chin Miphun Leirawi a Si: CNLD Chairman

| The Chin Journal | Hakha, Chin State

Chin National League for Democracy (CNLD) i an hruaitu pawl an thatlonak kong a chimtu cu Chin miphunpi a leirawitu an si, tiah CNLD Chiarman Pu Zo Zam nih a chim, tiah theih a si.

Kalay ah tuahmi CNLD zung onnak puai lio ah Pu Zo Zam nih, “Kanmah Party hruaitu pawl thatlonak kong a chimtu cu Chin miphun leirawitu bak an si ko. Mah bantuk thil canter ka duh lo. CNLD cu party thar khitkhette a si. Party hlun pawl he rak kan tanhchunh hlah u, rak kan ngia ko uh” tiah a chim.

Chin miphun sersiamnak lei cawlcanghnak ah Kalaymyo khua ah a ummi Chin miphun pakhat cio nih tuanvo kan ngei, tiah a chim chih.

“Kannih cu zei ralhriam hmanh kan herh lo. Lungput lei he aa pehtlaimi ral kan do. Teinak zong kan hmu lai. 2020 ah Chin party nih Hakha kan lak lai. Chinram leng ah a ummi Chinmi hna i nan tuanvo kong chim ka duh. Chin miphun kan sersiamnak rain ah nanmah pumpak tel lo awk a tha lo. Na kan hruai a herh. Chin miphun tunmernak rian hi Chinram lei in an tuan kho lo. Cucaah, Kalaymyo ah a ummi Chinmi pakhat cio nih tuanvo nan ngei,” tiah Pu Zo Zam nih a chim chap.

CNLD nih Chin ramkulh chung ah Paletwa dahtilo a dang khuapi pawl ah Party zung onnak an tuah dih cang i Chin miphun pawl an umnak Sagaing le Magwe zong ah zung on ding in timhtuahnak an ngei, tiah Chin World nih a tial.

Latest News