CNJ Poll ah CNLD Party Nih Chinram ah 24% in NLD a Tei

| The Chin Journal | Hakha, Chin State

Chin News Journal (CNJ) nih zarh khat chung a tuahmi Chin National League for Democracy (CNLD) le atulio cozah NLD party karlak 2020 Thimnak ah Chinram ah ahodah aa tei lai timi Poll ah CNLD nih NLD cu 24% in a tei.

CNJ ah vote a petu hna hi Laimi tampi an i tel bang in Thlanglei Laitlang kan unau hna (Matupi, Kanpetlet, Mindat, Paletwa, Tonzaang btk) in mi tam u an i tel hna.

“Chin ramkulh ah cun Chin miphun party a simi CNLD hi me kan pek deuh lai,” tiah comment zong in a titu an um bang in NLD bakbak a titu zong an um len.

Micheu nih cun, “Atulio ah kan herh bik cu 2008 Phunghrampi thlen khawh hi a si. Cucaah, hi phunghrampi a thleng khotu party hi zoh in vote kan pek awk a si,” tiah an ti ve.

“Chin ramkulh a thanchoter khotu party vote kan pek lai” tiah a titu an um bang in “Party zoh loin aa zuammi minung tu kan zoh lai i vote kan pek cang lai,” tiah a titu zong an um ve.

Screenshot From Chin News Journal Page

Vote a thlatu minung 500 hrawng an si i CNLD kan vote lai, CNLD kan zumh deuh a titu 62% an si i, NLD lei vote a thlatu 38% an si.

CNLD cu 2015 thimnak ah thudan a rak hmu lomi CNDP, CPP le naite caan karlak thimnak ah Chin ramkulh hluttaw ah thudan pakhat a hmumi CLD party hna fonh in dirhmi a si.

Party pathum fonh in CNLD tiah dir ding in Union Election Commission zong nih a onh cang hna i Party License an sok cuahmah liopi a si.

Latest News