Chuncung-Ramthlo kar Kahdohnak ah SAC Ralhrang 5 an Thi, Ramthlo ah Ralhrang nih Vok an Kah, Inn an Khangh

| The Chin Journal | Hakha, Chin State

Nizaan (October 23) zaan sml. 11:00 hrawng ah Chuncung le Ramthlo karlak ah SAC ralhrang pawl cu CNA/CDF nih an kah hna i ralhrang 5 an thi, tiah thawng kan theih.

SAC ralhrang thazaang 30 hrawng cu an si i, CNA/CDF nih an kah hna. Hakha lei in ralkap thazaang 25 hrawng an rak ra chap i ralhriam ngan pawl in an kah hna caah CNA/CDF ralkap pawl hnu ah an kir tthan.

Nizaan ah SAC ralhrang pawl Ramthlo khua ah an riak i vok an kah pin ah inn pakhat zong an khangh nain a kaang thai manh lo.

Khuami pakhat nih, “Nihin zinglei khua in an chuah lai ah inn pakhat an khangh ta. Asinain, kan hmih khawh manh i a kaang thai lo. Vok pakhat an kah i an chiah tami zong a um,” tiah The Chin Journal a chim.

Latest News

News in Burmese