Christmas Ni ah ISIS Ralhrang nih Khrihfa 11 an Thah Hna

| The Chin Journal | Hakha, Chin State

December 25, Christmas Ni ah ISIS ralhrang nih Nigeria ram ah Khrihfa minung 11 an thah hna, tiah theih a si.

Nigeria Khrihfa 11 a thattu ISIS ralhrang hi Nitlak African ISIS (ISWAP) tiah min aa pemi an si i, Khrihfa 11 an thahmi hna kong he pehtlai in “ISIS luzik Abu bakr al-Baghdadi ca ah lehrul chamnak kan tuahmi a si,” tiah thawng an thanh.

December 25 ah ISIS nih video an thlah colh i, cu video ah cun minung 13 an tlaihmi hna na langhter.

Hi minung 13 chung ah hin minung 2 hi Muslim an si tiah an zumh i a dang pawl hi Khrihfa an si hna.

Video chung ah tlaih a tongmi Khrihfa pawl nih Christian Association of Nigeria (CAN) sin ah bawmhalnak biacah an tuahmi zong an langhter chih.

Atutan thah a tongmi Khrihfa pawl hi December 17-20 karlak hrawnghrang ISIS ralhrang an tlaihmi hna an si.

December 24 zong ah Boko Haram ralhrang nih Nigeria nichaklei ah a ummi Chibok khua ah Khrihfa minung 7 an thah ve hna, tiah theih a si.

-Daily Mail, SalKida

Latest News