Christina Te Nuva Le Paing Pyo Tuh Te Nuva Mipi Nih Academy Laksawng an Pek Hna

| The Chin Journal | Hakha, Chin State

Naite 2018 ca Myanmar Academy laksawng peknak puai ah zei laksawng hmanh a hmu lomi director Christina te nuva le actress Paing Pyo Tuh te nuva cu nihin ah Myanmar ramchung dawtu mipi nih “Mipi Academy Laksawng” an pek hna, tiah theih a si.

Director Christina nih a thlak i a vapa Zat Khi nih actor a tuanmi “Mudras Calling” le “Deception” movie cu ramleng hmanh ah laksawng a hmumi an si nain Myanmar ram ah zei laksawng hmanh an hmuh lo tikah mipi an lung a fak. 

Cun, Director Na Kyi nih a thlak i a nupi Paing Pyo Tuh nih actress a tuanmi “Mi” movie cu Myanmar ramchung movie chuakmi lak ah a Quality, a tuanbia le action lei zong ah a tha bik lei a si nain laksawng pakhat hmanh a hmu ve lo. 

Cucaah, May 12 ah Yangon khua i Yangon Innovation Center ah Christina te nuva le Paing Pyo Tuh te nuva cu “Pyituh Academy” timi mipi nih thimmi Academy laksawng an pek hna hi a si.

Laksawng an pekmi hna hi dawtu Fan pawl nih an thawh ciomi a si i, Christina te nuva le Paing Pyo Tuh te nuva cu 3,27,500 veve an pek hna, tiah theih a si.

-Irrawaddy

Latest News