Chit Thu Wai le Visakha Foundation nih Paletwa Ralzam Ca ah Fang Tun Tam Ngai an Hlut

| The Chin Journal | Hakha, Chin State

Paletwa ralzam hna ca ah Myanmar Actress Chit Thu Wai le Visakha Foundation nih facang tun tam ngai an hlut, tiah theih a si.

Chit Thu Wai nih Paletwa ralzam hna ca ah facang tun 10 a hlut i, Dingdi Dream sin ah a pekchanh cang.

Visakha Foundation nih facang tun 130 le chiti thawl 630 a hlut i Dingdi Dream ah pek a si ve cang.

Dingdi Dream nih March 18 le 19 ah an langhtermi cazin zoh tik ah a dangdang pumpak in le a bu in Dingdi Dream sin ah a hluttu pawl an um len rih.

Cu an hlutmi thilri pawl cu Mandalar Minn motor nih alak tein Samee lei ah a phorh cang ti zong an langhter.

Vishakha Foundation hi Kawlram ah bawmhnak tampi a petu a si i, Tikir sizung zong ah mizaw namnak thirleeng le a dang sii lei thilri tampi a hlutu a si.

Kawl ralkap le AA hriamtlai i kah ruang ah March 14 le 15 ah Chinmi 21 an nunnak a liam i, a dang minung 28 hliamhma an pu hna.

Kahdohnak ruang ah Paletwa peng khuate 9 in Chinmi 1,500 hrawng cu Samee khua ah an zaam hna i, bawmhnak an herh ngaingai.

Latest News

News in Burmese