Chinram Pumtlamtlinglo Hna Vote Thlaknak Sanpyuh Mekuang an Hunpiak Hna Lai

| The Chin Journal | Hakha, Chin State

Chin ramkulh chung ah a ummi pumtlamtlinglo hna nih 2020 thimnak ah vote tlamtling in an thlak khawh ve nakhnga Sanpyuh mekuang pawl kan serpiak hna lai, tiah Chin ramkulh Election Commission sin in thawng kan theih.

Chin ramkulh Election Commission Chairman Pu Pu Uk Nawl nih, “Pumtlamtlinglo pawl vote an thlak nakding hmun hi Sanpyuh mekuang tiah kan ti. Chin ramkulh ah cu bantuk mekuang cu 37 kan tuahpiak hna. Fawi deuh vote an thlak khawh nakhnga cabuai zong niam deuh in kan tuahpiak hna,” tiah a chim.

Atutan Myanmar ram thimnak ah Chin ramkulh chung ah pumtlamtlinglo vote thlaknak nawl a ngeimi minung 3,033 an um.

Cun, Chin ramkulh chung ah vote thlaknak nawl a ngeimi zapi milu cu 342,142 an si i, party 12 in palai 210 an i zuam lai. Palai 210 chung ah 16 hi independent in aa zuam ding an si.

Latest News

News in Burmese