Chinram Ngandamnak Rianttuantu le Acozah Bu Chungtel Pawl COVID-19 Sii Chunh Hmasa an Si Lai

| The Chin Journal | Hakha, Chin State

COVID-19 runvennak sii COVISHIELD cu Chinram zong ah COVID-19 zawtnak dohnak ah hmaisuang in rian a ttuantu ngandamnak lei rianttuantu saya/mate le acozah bu chungtel pawl ahmasa bik ah chunh hmasa an si lai, tiah theih a si.

Chin ramkulh cozah chimnak nawlngei vuanci U Soe Htet nih, “Tu thla 27 ah ngandamnak lei rianttuantu pawl sii chunh an si lai. Cun, thla 28 ah acozah bu chungtel hna le zung kip luzik pawl chunh an si ve lai,” tiah a chim.

January 21 ah COVID-19 runvennak sii COVISHIELD cu India in Yangon ah a rak phan.

COVISHIELD siidur 1,500,000 a phan i minung pakhat nih dur hnih chunh a herh caah minung 750,000 a zawh hna lai.

Chin ramkulh chung ah ngandamnak lei rianttuan minung 3,000 in 4,000 karlak an um i, Chinram ca ah COVISHIELD siidur zeizah dah a phak lai timi fiang in theih a si rih lo.

Hi COVID-19 runvennak sii hi kum 18 tang minung hna le naupawi lio nu hna cu chunh an si lai lo, tiah Myanmar ram ngandamnak zung ttuanvo ngeitu Dr. Khin Kyi nih a chim.

-Zalen

Latest News

News in Burmese