Chinram Le Sangaing ah a Cawlcangmi “Kathe Tapung” Pawl Thawlpiak Ding in an Hal

| The Chin Journal | Hakha, Chin State

India-Myanmar ramri Tamu khua peng ah le Chin ramkulh Tonzaang peng ah a cawlcangmi “Kathe Tapung” (Manipur) pawl thawldawi ding in July 6 ah tuahmi Tamu peng daihnak kong biaruahnak ah cathanh an chuah.

October 2018 ah khan Tonzaang peng, Khote khua he furlong 4 hrawng lawng a hlatnak hmun ah Kathe Tapung pawl hmun an khuarnak Kawl ralkap nih an rak hmuh.

July 6 ah tuahmi Tamu peng daihnak ton biaruahnak ah a kai khomi hna. Photo – Ceu Bik Thawng

Meithal panga le Kathe tapung thilthuam telh in ralhriam he aa pehtlaimi a dangdang thilri tampi zong an rak tlaih.

Tamu peng chung daihnak kong he pehtlai in July 6 ah ton biaruahnak an ngei hna i Tamu khuachung ah bomb puahnak tibantuk le thahnawnnak tibantuk a tuahtu pawl hlathlai in rak kan tlaihpiak hna u tiah halnak zong an tuah.

Cun, Tamu peng le Chin ramkulh Tonzaang peng ah hmun a khuarmi “Kathe Tapung” pawl hi nawlngeitu nih a rannak in rak kan thawldawipiak hna u, tiah an hal.

Latest News