Chinram Hi Kum 20 Chung ah Wa-uh Ramkulh ah Kan Ser Lai: VP Henry Van Thio

| The Chin Journal | Hakha, Chin State

Chinram ah Wa-uh cinthlaknak ttha tein kan ttuan lai i, kum 20 chung ah Wa-uh ramkulh an kan ser lai, tiah Myanmar Vice President Pu Henry Van Thio nih a chim.

December 20 zinglei ah Vice President Pu Henry Van Thio nih Lai Media hna sin ah siaherh biaruahnak a ngei i cu lio ah cun a cunglei bantuk in a chim hi a si.

“Chinram hi Laphet ramkulh ah ser ding in timh a rak si nain ruah ning in Laphet a ttha tuk lo. Wa-Uh tu hi biatak in kan cin lai i, kum 20 chung ah Wa-uh ramkulh ah kan ser lai,” tiah a chim.

Thlanglei Laitlang ah cun Wa-uh an cin len cang in Chaklei Laitlang Thantlang tibantuk zong ah Wa-uh cin hram an thok cuahmah ve cang.

Chin ramkulh Wa-uh hi Asia vawleitthen chung in Hongkong, Japan le South Korea tibantuk in an cawk tiah a chim chap.

Atulio ah Chin ramkulh chung ah Wa-uh parnak seh hi Mindat khua ah a um cang i, a rauh hlan ah Thantlang khua zong ah chiah a si lai, tiah theih a si.

Latest News