Chinram COVID-19 Mizaw 50 Chung ah 40 nih Damnak an Hmu Cang

| The Chin Journal | Hakha, Chin State

Chin ramkulh chung ah October 15 tiang ah COVID-19 zawtnak a ngeimi minung 50 hmuh an si i, cu chung ah cun  minung 40 nih damnak an hmu cang, tiah Chin ramkulh ngandamnak zung nih thawng a chuah.

Atulio Chin ramkulh ah COVID-19 zawtnak a ngei i, sizung ah an thlopmi minung 10 an um rih.

Cu hna cu Hakha ah 5, Falam ah 1, Mindat 2 le Tedin ah 2 hna hi an si i, Tonzaang, Matupi, Thantlang, Kanpetlet le Paletwa i mizaw hna nih damnak an hmu tthan dih cang.

Chin ramkulh chung ah minung 4,000 hrawng hi October 15 tiang ah COVID-19 an ngeih le ngeih lo zohfel an si cang i, cu chung ah cun minung 50 sin in COVID-19 zawtnak an hmuh.

Zawtnak hmuhmi 50 lak ah minung 40 cu sizung in an tthum kho cang i, a taangmi 10 tu sizung ah an um rih, taih Chin ramkulh ngandamnak zung nih a langhter.

Latest News

News in Burmese