Chinram Chung Cozah Quarter ah a Ummi Zung Riantuan Hna nih Inn Man Pek a Hau Than Lai Lo

| The Chin Journal | Hakha, Chin State

Chin ramkulh chung cozah inn (Quarter) ah a ummi cozah zung rianttuantu hna nih thlatin inn man pek ding tiah thawngthanhnak an rak tuahmi cu January 26 ah tuahmi Chin ramkulh cozah meeting ah an let tthan, tiah theih a si.

Tuan deuh ah an rak thanhmi ah cun cozah quarter ah a ummi zung rianttuantu hna nih an thlahlawh chung in 3% (အရာထမ်း) le 1% (အမှုထမ်း) hi an umnak inn man ca ah pek ding ti a rak si.

Sihmanhselaw, Chinram cu Kawlram chung a dang hmunhma he aa lawh lo pin ah a kih tuknak ram a si i, cozah zung rianttuantu hna nih thlahlawh an hmuhmite hi nitin khuasaknak ca ah an i bochanmi a si bang in inn man hi an ca ah khingrihtertu a si lo nakhnga January 26, 2021 Chin ramkulh cozah meeting ah inn man pek ding timi cu kan let tthan, tiah January 28 ah official in thawngthanhnak ca an ttial.

Thawngthanhnak Catlap

Latest News

News in Burmese