Chinram Chung COVID-19 Mizaw Pehzul in Damnak an Hmu

| The Chin Journal | Hakha, Chin State

COVID-19 zawtnak tilet a voi 2nak a hun chuah in Chin ramkulh chung zong ah COVID-19 mizaw khulrang nawn in an hun karh nain nai zarh khat chung hrawng ah pehzul in damnak a hmu tthanmi an um len hna.

Hakha Indwinhmu Sianginn ah Quarantine a um i, COVID-19 zawtnak an hmuhmi sayama nu cu October 19 ah Hakha sizung in a rak chuak cang.

Cun, Pakhuku in Hakha ah a rak phanmi motor mongtu le a hnuzul zong damnak an hmu i nizan ah sizung in an chuahter cang hna.

Tedim le Mindat sizung ah a zohkhenhmi hna COVID-19 mizaw pahnih zong damnak an hmu i nihin chun sizung in ttumnak nawl pek an si cang.

October 16, Chin ramkulh ngandamnak zung nih thawng a thanh ning ah Chin ramkulh chung ah COVID-19 mizaw 55 hmuh an si i, cu chung ah cun minung 40 nih damnak an hmu tiah a langhter.

Caan karlak ah ramkulh ngandamnak lei zung nih official nih COVID-19 mizaw le damnak a hmu cazin a chuahmi a um rih lo nain mizaw a tam u 40 leng nih damnak an hmu cang tinak a si.

COVID-19 zawtnak an ngei kho tiah October 17 ah lunghrinh in Hakha sizung an chiahmi hna minung pathum (Yangon in a rak tlungmi) zong an Swab Mandalay ah an kuat hnu ah COVID-19 zawtnak an ngei lo tiah fehter a si i, October 23 ah Hakha sizung in an ttum ve cang.

Latest News

News in Burmese