, /

Chinram ah Kanpetlet cu Tu Kum Zong Hrin Viar Dawh

The Chin Journal | Hakha | Chin State
Kanpetlet USDP chungtel pawl (Photo-USDP Kanpetlet)

Atu kum Myanmar rampi thimnak zong ah Chin ramkulh chung ah Kanpetlet peng lawnglawng hi hrin viar (USDP) dawh in a um.

Kanpetlet ah Chin ramkulh chung ah hmun a khuarmi ramkhel party pical pathum an i zuam–NLD, USDP le CNLD an si.

Kanpetlet khuate 14 ah vote an thlakmi cazin cozah tik ah Pyine Hluttaw no. 2 dahtilo a dang Pyituh, Amyotha le Pyine no. 1 ah cun USDP nih vote tam bik an hmu.

NLD nih a tluk dengmang in a um nain a tluk ngaingai kho lo. CNLD belte cu Kanpetlet ah cun NLD hnu ah aa thlai deuh.

Asinain, CNLD nih vote a hmuhmi zoh tik ah a tthawng ngaingai ve. Acheukhat hmun ah NLD a tluk dengmang in a um. Abiana ah, Amyotha Hluttaw ah NLD nih vote 360 a hmu i CNLD nih vote 305 tiang a hmu ve.

Kanpetlet hi ahlan zong ah USDP an rak tthawn zungzalnak a si. Atu kum zong ah hiti ning hin a dangdang khua pawl zong ah result a um ahcun Kanpetlet cu hrin dawh a si.

#NOTE: A cunglei hi Final Result a si rih lo. Chin ramkulh Election Commission nih Offical in teitu thawngthanhnak a tuah rih lo.

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19