Chinram ah Drone Vanlawng Hmang in Sii Lei Thlopbulnak Kan Tuah Lai: Dr. Sa Sa

| The Chin Journal | Hakha, Chin State

Pehtlaihnak lamsul a har tuknak Chin ramkulh chung hmunhma pawl ah Drone vanlawng tete hmang in sii lei tlopbulnak kan tuah khawh cang lai, tiah Dr. Sa Sa nih a chim.

Chinland FC nih GFA Baibal Sianginn ah Myanmar Idol Season 4 ah teinak a hmumi pawl conglawmhnak cu January 11 ah a tuahpiak hna i cuka hmun ah cun Dr. Sa Sa nih atu bantuk in a chim hi a si.

“Mongtu tello Drone vanlawng pawl hmang in Chinram chung i Emergency in a herhnak hmun pawl ah sii-ai kuat khawh ding in kan i zuam,” tiah Dr. Sa Sa nih a chim.

“Chinram chung khuazei hmun paoh ah a phan kho ding vanlawng an si. Pathian thawng in aluancia ni 3 ah khan US ah a ummi bu pakhat nih Drone vanlawng pahnih a kan hlut cang. Myanmar ram ah Chinram hi a tthangcho lo bik a si nain a rauh hlan ah Drone in sii lei thlopbulnak lei ah a pakhatnak bik kan si lai,” tiah a chim chap.

US in an rak hlutmi Drone vanlawng pahnih hi meng 1,000 tiang a zuang khomi an si i, thilri cuai 10 in cuai 20 tiang a phor khomi an si. Cucaah, Chinram chung i lamsul a harnak hmuh kip ah cu Drone hmang cun fawi tein sii-ai phorh le kuat khawh a si lai.

Latest News

News in Burmese