Chinram ah COVID-19 Ngeih le Ngeih Lo Zohfel Liomi Minung 299 an Um

| The Chin Journal | Hakha, Chin State

Chin ramkulh chung ah COVID-19 zawtnak an ngeih le ngeih lo zohfel liomi minung 299 an um, tiah thawng kan theih.

Nihin March 31 zanlei ah Chin ramkulh cozah nih Media he thlatin tonnak a ngeih i, cuka hmun ah cun Chin ramkulh mipi ngandamnak zung lutlai Dr. Aung Ngwe San nih a cunglei bang in a chim hi a si.

“Zawtnak an ngeih le ngeih lo zohfel” ti tikah “Lunghrinh Mizaw” tiah ti duhnak a si lo. Zawtnak an ngeih le ngeih lo zohfelmi hna cu ramdang in asiloah kaadang hmundang in a rak phanmi hna kha sizung, sianginn le mahle inn tibantuk pawl ah an zohfelmi hna kha a si.

Zohfel liomi minung 299 chung ah minung 7 hi sizung ah an zohkhenh hna. Sizung ah zohkhenhmi chung ah Paletwa ah minung 4, Thantlang ah minung 2 le Tedim ah minung pakhat an i tel.

Chinram chung ah US in a rak tlungmi Tedim pa lawng hi COVID-19 zawtnak a ngeimi a si i, an zohkhenh cuahmah lio a si.

March 31 i acozah cazin ning ah Chinram chung ah COVID-19 zawtnak an ngei ko lai tiin lunghrinhmi mizaw pakhat hmanh an um lo.

Latest News

News in Burmese