Chin USDP Chairman Dr. Hmuh Thang Innhmai ah Bomb Puak

| The Chin Journal | Hakha, Chin State

Nizaan (August 11) zaan sml. 7:00 hrawng ah Thantlang khua ah a ummi Chin ramkulh USDP chairman Dr. Hmuh Thang innhmai ah bomb a puak, tiah thawng kan theih.

Chin USDP secretary Pu Cung Bik nih, “Nizaan sml. 7:00 hrawng ah khan Dr. Hmuh Thang innhmai ah bomb a puah hi a si. A puakmi bomb hi kutcheh bomb a si,” tiah a chim.

Innhmai bomb a puah lio ah Dr. Hmuh Thang te hi thlacamnak an tuah lio a si i, an inntang thlalangawng an kuai. Aa hliammi an um lo.

Nizaan Thantlang ah bomb voi 2 a puak, tiah thawng kan theih nain a dang a puahnak hmun hi fiang in kan fehter kho lo.

Cun, nizaan thotho ah Cawbuk sang, Loklung lei kap zong ah bomb fak ngaiin a puak.

Cawbuk khuami pakhat nih, “A puah ning a fak ngaingai. Inn zong aa hnin dih. A puaknak zawn taktak kan thei lo. Loklung lei kap deuh a si,” tiah The Chin Journal ah a chim.

Nizaan Hakha Khuathar ah SAC ralhrang nih innchungkhar cazin an check lio hrawng ah meithal voi 3 zong puah thlok in an puah.

Latest News

News in Burmese