Chin Tlangholh Kong Yangon ah Ceihmainak an Ngei Lai

| The Chin Journal | Hakha, Chin State

Chinmi tlangholh (Common Language) kan ngeih khawh nakhnga All Chin Society-Yangon (ACSY) hruainak in Yangon ah ton biaruahnak an ngei lai, tiah theih a si.

Chin ramkulh chung peng kip in caholh lei a thiammi upa pawl zong ruahnak petu ah thim an si hna.

Paletwa in Bishop Mang Lung, Falam in U Thang Hup, Tedim le Tonzaang in Dr Thang Za Tuan, Asho Chin in Salai Htun Hlaing, Matupi in U Ro Sang, Mindat le Kanpetlet in Rev. Dr. Thang Yaw le Hakha Thantlang in Pu Ni Ko ti bantuk pawl sawm an si hna.

ACSY secretary U Naing Thang nih, “Tlangholh kan ngeih lo ruang ah Chinmi kan lung aa rual lo. Zeitindah tlangholh kan ceih lai timi kong ceihmainak cu kan ngei cang. Aralaimi June 22 ah a herhmi ceihnak kan ngei rih lai…Chinmi holh aa fonh dihmi Multi Dictionary zong kan chuah lai,” tiah a chim.

Chinmi nih tlangholh kan ngeih khawh nakhnga aluancia 1975 ah khan Yangon University i Chin Literature and Culture Committee nih hlathlainak an rak tuah bal, tiah theih a si.

-Zalen

Latest News