Chin Ramkulh Cozah Nih Thlacamnak in Martyr Day Upatnak a Tuah

| The Chin Journal | Hakha, Chin State

Nihin July 19 cu Myanmar ram nih zungkhar in a ulhmi Martyr Day (Aa-Zaa-Ni-Neh) a si bang in Chin ramkulh cozah zong nih Khrihfa phung in thlacamnak in upat peknak a tuah, tiah theih a si.

Martyr Day, Hakha| Photo – TCJ

Cu hmun ah cun Chin ramkulh uknak zung ah tuah a si i, HBA in hruaitu pastorte cu Chin ramkulh Chief Minister telh in cozah lutlai pawl minung 70 hrawng nih Martyr Day upat peknak cu Khrihfa phung tein an ngei hna.

Martyr Day, Hakha| Photo – TCJ

Rev. Dennis Ngun Thawng Mang nih Thawngthabia chimnak a ngeih i, Rev. Dr. Lian Hup Ling nih zapi ca ah thlacamnak a ngei.

Martyr Day, Hakha| Photo – TCJ

Khrihfa biaknak phung tein atu bantuk in upat peknak an ngeih bantuk in Buddhist phungning zong in Martyr Day cu Chin ramkulh ah an ulh ve, tiah theih a si.

Nihin zing ah Vumtumaung celhtual zong ah Martyr Day upat peknak tuah a si i, Chin ramkulh cozah, Hluttaw palai hna le cozah zung kip in minung tampi an i tel kho hna, tiah thawng kan theih.

Latest News