Chin Ramkulh Chung ah Ritsii Tlaih a Karh Ngaingai

| The Chin Journal | Hakha, Chin State

Aluancia kum nakin 2018 le 2019 ah Chin ramkulh chung ah ritsii tlaih a hun karh ngaingai.

2018 le 2019 July tiang ah Chin ramkulh chung ah ritsii case in minung 24 an tlaih cang hna.

2018 ah khan ting 200 MMK man hrawng a simi ritsii pawl cu minung 14 sin in an rak tlaih hna. Hi minung 14 chung ah hin nu pathum an i tel ve.

Cun, 2019 July tiang ah ting 30 fai man hrawng a simi ritsii pawl cu minung 10 sin in tlaih a si i, minung 10 chung ah pahnih hi nu an si ve.

Chinram ah abikin an tlaihmi ritsii pawl hi Bing le nupa sinak thisa a thawhtertu WY siitlang pawl an si hna.

Aluancia 2017 ah khan cun ting 2 man hrawng a simi ritsii pawl minung pathum sin in an rak tlaih. Sihmanhsehlaw, 2018 le 2019 ah Chinram ah ritsii case a hun kar ngaingaimi hmuh khawh a si.

Chin Ramkulh Palik Zung Cazin cherhchan in langhtermi a si.

Latest News