Chin Ramkulh Aiawh U-12 Football Team Yangon ah an i Thawh

| The Chin Journal | Hakha, Chin State

Myanmar ramkomh, kum-12 tang ramkulh le ramtthen bawlungpuai ah i tel ding in Chin ramkulh aiawh Football Team cu October 16 ah Yangon lei ah an i thawh cang, tiah theih a si.

Atutan Chin ramkulh aiawh a kalmi U-12 pawl hi Mindat peng le Matupi peng chung in an thimmi hna an si.

Chin ramkulh aiawh U-12 Football Team

Nikum Myanmar ramkomh U-12 ah Chin aiawh Football Team cu Semi-Final tiang an rak phan i Penalty in Magwe nih an rak thlak hna caah pathumnak lawng an rak hmu.

“Nikum kha kan hmuhtonmi a tlawm rih caah penalty in kan sung. Tukum zong hi nikum ah aa telmi a thiamthiam pawl an i tel. Cup zong kan co lai tiah kan i zum. Aruang cu kan i timhtuahnak ning a ttha ngai,” tiah Mindat zaanglek lutlai U Tam Mang nih a chim.

Atutan Chin ramkulh aiawhtu U-12 Football Team ah Mindat peng in ngakchia 10 le Matupi peng in ngakchia 6 an i tel hna.

Atukum Myanmar ramkomh U-12 bawlung puai cu October 20 ah an thawk lai i, The Chin Journal zong nih a si khawh chung in Chin Football Team an chuihmi a phunphun in thawngzamh kan rak i zuam te lai.

Cc-Zalen

Latest News