Chin Ram Chung ah Mobile Phone Tower Tung 65 Bunh Chap a Si Lai

| The Chin Journal | Hakha, Chin State

Chin ram chung Communication lei thanchonak caah pengkulh 6 ah Mobile Phone/Internet Tower tung 65 Union Cozah nih bunh chap a timh tiah theih a si.

Internet line hman khawhmi Tower tung cu tu kum budget ah Ministry of Communication and Transport nih an ser lai tiah Minister Pu Sui Thio nih a chim.

“Pyithaungsu vuanci le Deputy vuanci nih an chim. Tu kum budget ah Tower tung 65 bunh a si lai. Union cozah nih an tuah lai. Chin ram hi cu duh zong duh lo zong ah tuah ding dirhmun a si. Cucaah Union cozah nih an kan ruah piak” tiah Minister Pu Sui Thio nih a chim.

Mobile Phone Tower tung cu Thantlang peng ah 4, Tonzang peng ah 9, Mindat peng ah 6, Matupi peng ah 18, Kanpetlet ah 9, Paletwa peng ah 19, a zapi tung 65 bunh a si lai tiah theih a si.

Paletwa pengkulh belte a daih lo ruang ah Tower tung bunhnak lei riantuan timhmi thinphang a si tiah Minister Sui Thio nih a chim.

– Khonumthung

Latest News