Chin Nu Tukvelhnak Hma He Thih Kong ah Palik nih Chin Pa an Tlaih

| The Chin Journal | Hakha, Chin State

US ram, Indianapolis khua i 240 Block, East Cragmont Street ah a ummi Chin pa Tuan Ling cu Chin nu thih kong ah Indianapolis Metropolitan Police Department (IMPD) nih an tlaih, tiah theih a si.

February 4, zanlei sml. 2:00 hrawng ah khan Tuan Ling te umnak inn in bawmhalnak Phone a rat caah palik pawl an vung kal.

Inn an phak tik ah nu pakhat (Palik nih a min an langhter rih lo) cu tukvelhnak hma he an hmuh caah sizung ah an kalpi.

Sizung ah an thlopbul hnu February 13 ah cu nu cu a nunnak a liam i, Tuan Ling cu mi thahnawn timhnak (Attempted Murder) sualphawtnak in palik nih an tlaih, tiah theih a si.

A nunnak a liammi nu hi palik nih an tlaihmi Tuan Ling i a nute a si, tiah theih a si i thil sining kong he pehtlai in a hmutu le a theitu an um ahcun Phone: 317-327-3475 ah thawngthanh ding in IMPD nih bawmhalnak zong an tuah.

A nunnak a liammi Chin nu a rauk checknak tlamtling in an tuah dih hnu ah a thihnak aruang le a thimi nu i a min palik nih tlamtling in an langhter lai, tiah RTV6 Indianapolis thawngzamhnak nih February 14 ah a ttial.

Latest News

News in Burmese