Chin Nu Pakhat Covid-19 a Ngeih le Ngeih Lo Check Awkah Sizung ah an Chiah

| The Chin Journal | Hakha, Chin State

Malaysia ram in Myanmar ram ah nihin zinglei ah a rak phanmi Chin nu pakhat cu Covid-19 zawtnak a ngeih le ngeih lo zohfel awk ah Yangon khua i Wai Baw Ki sizungpi ah an chiah, tiah theih a si.

Covid-19 zawtnak a ngeih le ngeih lo check ding in Yangon sizung ah zohfel awk ah an chiahmi Chin nu hi Hakha khua ah a rak ummi a si i, nihin zinglei sml. 10:00 hrawng khan Malaysia in Yangon International Airport ah a rak phan.

Airport ah an check tik ah a tak a lin, a khuh a khuh, a tha a dih tibantuk in a um caah Covid-19 zawtnak a ngeih le ngeih lo check ding in an timhtuah ve hi a si.

Sizung ah checknak felfai tein an tuah lai i zawtnak a ngeih lo a si ahcun tlunkalnak nawl an pek te lai.

Covid-19 zawtnak a cannak ram pawl nih Myanmar ram ah a rak phanmi hna cu zarh hnih chung sizung ah checknak tuah ding tiah Myanmar ngandamnak lei zung nih nawl a chuah ve caah atu bantuk in Chin nu zong an chiah ve hi a si.

Note: Covid-19 zawtnak a tlunnak ram in Myanmar ah a phanmi paoh cu Zarh 2 chung check ta lengmang a si caah atu Chin nu zong cu bantuk cun an tuahmi a si. Zawtnak a ngei tinak a si lo. Atu tiang ah Kawlram ah Covid-19 zawtnak an hmu rih lo.

Malaysia zong ah Covid-19 zawtnak a phak ve cang caah Malaysia in Kawlram ah a rak lutmi paoh cun Zarh 2 chung sizung ah check ta zungzal an si lai.

Ref: Ministry of Health and Sports

Latest News

News in Burmese