Chin Miphun Sinak (National Identity) Kilven Ding ah CNLD kan Dirh: Pu David Ngai Sak

| The Chin Journal | Hakha, Chin State

Chin miphun sinak (kan National Identity) kilven ding hrim ah Chin National League for Democracy (CNLD) hi kan dirhmi a si, tiah January 4 ah CNLD Chairman Pu David Ngai Sak nih a chim.

January 4, chun sml. 1:00 ah Yangon khua, Mayangone peng, Mitcaw Sianginn ah CNLD le Yangon khuasa Chin mipi tonnak an tuah i cuka hmun ah cun Pu David Ngai Sak nih atu bantuk hin a chim hi a si.

“Chin miphun kan sinak (National Identity) kilven le tthanchoternak ding in phunglam a dang tein a serchuahtu ramkhel party atu tiang kan ngei rih lo. Kan miphun a kilvengtu ding ramkhel party a chuak rih lo…cucaah, Chin miphun sinak a kilvengtu party pakhat cu kan ngeih a herh hrimhrim,” tiah Pu David Ngai Sak nih a chim.

(Pu David Ngai Sak chimmi biatawi dihlak a tang video ah zoh le ngaih khawh a si).

“Thanchonak rianttuan cu acozah rian a si ko. A tuah awk hrimhrim zong a si… Sihmanhsehlaw, acozah paoh nih Chin miphun sinak kilven timi ttuanvo hi an ngei lo. Aho nih dah a ttuan kun lai? Kanmah miphun te nih dirhmi party nih kan mipi aiawh in a ttuan ding a si. Cu bantuk rian pawl ttuan ding ah CNLD hi hmun khatte ah kan dirhnak a si,” tiah a chim chap.

Latest News

News in Burmese