Chin Minthang Hlasa le Model Pawl nih Aung La Thazaang an Pek

| The Chin Journal | Hakha, Chin State

Aung La nih ruah lo piin sunghnak a ton hnu ah Myanmar rampi nih thachiat lo ding in thazaang an pek lulh cio bang in Chinmi chung in minthang hlasa le model pawl nih Aung La thazaang peknak ca an ttial cio hna.

Myanmar ram a rak tlirhtu hlasa minthang Sung Tin Par nih, “Aung La N Sang thazaang kan in pek peng ko. Na sung zong ah thazaang kan in pek, teinak na hmuh caan zong ah thazaang kan in pek ko,” tiah a Facebook ah a ttial.

Cun, Chin Model le Miss a simi Margaret nih, “Ka lungchung ah Champion peng a simi, zeiti a si poah kan uanthlarpi ko,” tiah a Timeline ah a langhter.

Cun, minthang hlasa David Lai nih, “Tu zan cu ka lung a ka suk ko. Hawidang zong keimah bang in nan ngaih a chia lai tiah ka zumh ko. Sihmansehlaw, kannih cun Aung La hi kan dawt i kan tlaihchan caah teinak a hmuh ah siseh, a sungh zong ah siseh thazaang kan pek peng ko. Hi hnu puai ah a ttha bik in hmuh tthan ka duh,” tiah a Facebook ah a ttial.

Tuzan Aung La sungh ruang ah Myanmar rammi pawl an ngaihchia ngaingai nain Aung La cung ah mawhphorh loin thazaang peknak bia phunphun tu Social Media ah an langhter cio hna.

Latest News

News in Burmese